Just in case you *do* want to read news in Old English,
check out The New Anglo-Saxon Chronicle:
http://www.buckrogers.demon.co.uk/nasc.htm
News for September (so far):
Anno MCMXCIX Hærfestmonað
- iv d: Her in East-Timore ceosung sceawede þæt þa landware geornedon beon
freo of Indonesiae rice, ond wearþ sar gefeoht gemang þæm landwarum. Ond in
æfterdagum Indonesisce menn forbærnedon Dili þe is East Timores heafodburg
ond forheriodon þæt land ond ofslogon manige menn, for þæt seo ceosung
cyþede þæt þa East Timorware wæron unholde to Indonesiaa, ond in Jakartan is
wen þæt gif East Timor weorþe freo, þanne þa Acheh-ware ond manige oþre
dælas Indonesiae wolden weorþan freo ond weorþe wid unrice.
- v d: Her in Sicilian se fyrbeorg Etna onwac.
- vii d: Her wæs eorþstyren æt Athenis in Greclande, ond hire miht wæs
Richter 5.9, ond heo acwellede xxxii leode oþþe ma.
- ix d: Her in Moskvan in Russlande sum læg utbærstend þe forbræc boþl
maninga husa ond acwellede xciv menn.
- xii d: Her in Moskvan in Russlande sum læg utbærstend þe forbræc boþl
maninga husa ond acwellede clxxxii menn oþþe ma, ond sume secgað þæt se mann
þe læg þa twegen utbærstendas wæs sum Islamisc mann þe wolde onwrecan sume
his folces þe Russisce guþlyftscipmenn ofslogon in Dagestane.
- xiv d: Her swiþe strang hweolstorm gehaten Floyd sloh þa Bahama-iege, ond
in æfterdagum he rann andlang særiman þæm Carolinum ond feoll great regen
ond deop flod.
- xx: Her seo seocnes leukaemia anom Raisa wif Mikhailes Gorbachev, ond he
ær wæs foresittend Russiae, ond heo lifde lxvii wintru, ond on xxiii dæge
heo wearþ gebyrged in Moskvan in Novodevichimynstres lictune, ond þær licgaþ
Khrushchev foresittend ond Chekhov scop ond manige oþre mære Russisce menn.
- Her wæs heard eorþstyren in Formosan iege ymb Nantou ceastre þe tobræc
formanige botl in greatum dæle þære iege ond hire miht wæs Richter 7.6 ond
heo acwellede mmc menn oþþe ma; ond in æfterdagum wæron manige æfterstyrena.